27 феврал Президенти Ҷумҳурии Тоҷикистон Эмомалӣ Раҳмон бо мақсади овоздиҳӣ ба қитъаи интихоботии № 16-и ноҳияи Исмоили Сомонӣ омад. Ба андешаи Сарвари давлат шахсоне, ки минбаъд дар парламент фаъолият  хоҳанд кард ва аз номи халқи худ сухан хоҳанд ронд, бояд аз ҳама ҷиҳат намунаи  ибрат бошанд. Аз он ки чӣ гуна чеҳраҳо ба парламент ворид мешаванд, чигунагии авзои сиёсӣ дар мамлакат, сатҳи қонунгузорӣ ва пешрафти ислоҳот вобаста мебошад.

Президенти Ҷумҳурии Тоҷикистон Эмомалӣ Раҳмон дар ҳузури намояндагони беш аз  60 ширкати хабаргузории дохилу хориҷ изҳор дошт, ки интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллӣ дар рӯҳияи боварибахши эҳтиром ба арзишҳои миллӣ ва озоду алтернативӣ мегузарад.

Сарвари давлат раванди омодагиро ба интихоботи навбатӣ қаноатбахш арзёбӣ кард.