8 июл Президенти Ҷумҳурии Тоҷикистон Эмомалӣ Раҳмон ба Сарвазири Шоҳигарии муттаҳидаи Британияи Кабир ва Ирландияи Шимолӣ Тони Блейр бинобар сабаби ҳодисаҳои бешумори террористӣ дар шаҳри Лондон, ки боиси фавти даҳҳо шаҳрвандони бегуноҳ гардид, барқияи тасаллият фиристода изҳор дошт, ки Ҷумҳурии Тоҷикистон қатъиян муқобили терроризм буда, бо кулли мамолики муқовиматгари ин ваҳшоният муттаҳид аст ва ҷиҳати саҳмгузорӣ дар муборизаҳои ҷаҳонии зидди таҳдидҳои глобалӣ омода мебошад.
Дар хотимаи барқия Президенти Ҷумҳурии Тоҷикистон Эмомалӣ Раҳмон аз Тони Блейр хоҳиш намудааст, ки тассалият ва ҳамдардии амиқи тоҷикистониёнро ба наздикон ва хешовандони ҳалокшудагон ва зарардидагон расонад.