27 август Президенти Ҷумҳурии Тоҷикистон Эмомалӣ Раҳмон ба унвони Президенти Ҷумҳурии Молдова Владимир Воронин барқияи табрикӣ ирсол намуд, ки дар он омадааст:

"Ба муносибати рӯзи истиқлолияти Ҷумҳурии Молдова ба Шумо ва ҳама мардуми ба мо дӯсти кишваратон табрикоти самимӣ баён намуда, беҳбудиву шукуфоӣ таманно мекунам.

Мо аз рушди бемайлони ҳамкориҳои Тоҷикистону Молдова, ки ҷавобгӯи манфиатҳои ҳарду давлат ва мардум аст, қаноатмандем.

Боварии комил дорам, ки бо ҷаҳду талоши муштарак мо ба тавсеаи минбаъдаи ҳамкориҳои дуҷонибаи ҳарду кишвар такони нав мебахшем.

Бо истифода аз ин фурсати муносиб ба Шумо Владимир Николаевичи мӯҳтарам саломатию комёбӣ ва ба мардуми дӯсти Молдова осоишу шукуфоӣ орзу мекунам".