Президенти Ҷумҳурии Тоҷикистон

Мулоқот бо Президенти Ҷумҳурии Исломии Эрон Маҳмуди Аҳмадинажод

16.09.2005 05:30, Иёлоти Муттаҳидаи Амрико

15 сентябр Президенти Ҷумҳурии Тоҷикистон Эмомалӣ Раҳмон дар Ню-Йорк бо Президенти Ҷумҳурии Исломии Эрон Маҳмуди Аҳмадинажод мулоқот кард.

Дар мулоқот мавзӯҳои марбут ба таҳкими муносибатҳои гуногунҷанбаи миёни Ҷумҳурии Тоҷикистон ва Ҷумҳурии Исломии Эрон мавриди баррасӣ қарор гирифтанд.

Сарвари давлати Тоҷикистон Эмомалӣ Раҳмон Ҷаноби Маҳмуди Аҳмадинажодро ба муносибати пирӯзӣ дар интихоботи Президенти Ҷумҳурии Исломии Эрон табрику шодбош гуфта, изҳори умед кард, ки муносибатҳои ҳасанаи миёни Ҷумҳурии Тоҷикистон ва Ҷумҳурии Исломии Эрон минбаъд низ дар асоси принсипу меъёрҳои байналмилалӣ ҷараён хоҳанд гирифт.

Дар мулоқот зикр гардид, ки иштироки Эрон дар бунёди Нерӯгоҳи барқии обии "Сангтӯда - 2", нақби Анзоб ва дигар барномаҳо аз иқдомоти арзишманд дар роҳи татбиқи амалии аҳду паймонҳое ба шумор меравад, ки зимни сафари расмии Президенти Ҷумҳурии Исломии Эрон ба Тоҷикистон моҳи октябри соли 2004 ба даст омада буданд.

Президенти Ҷумҳурии Тоҷикистон Эмомалӣ Раҳмон аз Президенти Ҷумҳурии Исломии Эрон Маҳмуди Аҳмадинажод даъват намуд, ки бо сафари расмӣ ба Тоҷикистон ташриф биёрад. Даъват бо хушнудӣ пазируфта шуд ва мӯҳлати он бо роҳҳои дипломатӣ муайян карда мешавад.

Президенти Ҷумҳурии Исломии Эрон Маҳмуди Аҳмадинажод бунёди Нерӯгоҳи барқии обии "Сангтӯда-2" ва нақби ағбаи Анзобро аз самтҳои асосии татбиқи барномаҳои иқтисодии Ҷумҳурии Исломии Эрон дар Ҷумҳурии Тоҷикистон арзёбӣ намуд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520