Президенти Ҷумҳурии Тоҷикистон

Мулоқот бо дабири кулли Созмони ЮНЕСКО Коитиро Матсуура

10.06.2004 14:00, шаҳри Душанбе

Дар ҷараёни иштирок дар ин конфронс Президенти Ҷумҳурии Тоҷикистон Эмомалӣ Раҳмон дар қароргоҳи худ бо дабири кулли Созмони ЮНЕСКО Коитиро Матсуура мулоқот намуд.

Дар сӯҳбати озоду самимӣ маҷмӯи масъалаҳои вобаста ба ҳамкориҳои дуҷонибаи серҷабҳаи Ҷумҳурии Тоҷикистон бо ЮНЕСКО баррасӣ гардид.

Эмомалӣ Раҳмон ба Коитиро Матсуура ҷиҳати қабули қарори ЮНЕСКО дар бораи шоҳкории мероси мусиқии ҷаҳонӣ эълон шудани «Шашмақом» ва ҳамчунин барои дар сатҳи ҷаҳонӣ вусъат додани таҳқиқот оид ба 2700-солагии шаҳри бостонии Кӯлоб изҳори сипос намуд.

Коитиро Матсуура доир ба масоили фарогири фаъолияти комиссияи миллӣ оид ба корҳои ЮНЕСКО дар Ҷумҳурии Тоҷикистон, ки тайи солҳои охир лоиҳаҳои эҳёи Ҳулбук, Яғноб-Саразм, мақбараи Мир Сайид Алии Ҳамадонӣ, Муҳаммад Башоро ва як қатор лоиҳаҳои пурарзиши фарҳангиро барои дохил намудан ба Феҳристи ёдгориҳои ғайримоддии ҷаҳонӣ пешниҳод намудааст изҳори қаноатмандӣ намуд.

Пешниҳодоти Президенти Ҷумҳурии Тоҷикистон Эмомалӣ Раҳмон дар бораи шаҳри сулҳ эълон кардани шаҳри Душанбе, ба боғи миллии байналмилалӣ табдил додани боғи ботаникии Помир, таҷдиду эҳёи як қатор марказҳои таърихии қаламрави Тоҷикистон аз тарафи дабири кулли ЮНЕСКО Коитиро Матсуура бо некӣ ҷонибдорӣ ёфт.

Ҷонибҳо бобати дар доираи тадбирҳои даҳсолаи «Об манбаи ҳаёт», соли 2005 дар шаҳри Душанбе баргузор намудани конфронси байналмилалӣ ба мувофиқа расиданд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520