Президенти Ҷумҳурии Тоҷикистон

Барқияи табрикӣ ба Президенти Украина Леонид Кучма

24.08.2004 09:00, шаҳри Душанбе

24 август Президенти Ҷумҳурии Тоҷикистон Эмомалӣ Раҳмон ба Президенти Украина Леонид Кучма барқияи шодбош ирсол намуд, ки дар он аз ҷумла чунин омадааст: «Ба муносибати рӯзи истиқлоли Украина табрикоти самимона ва орзӯҳои беҳтарини маро қабул фармоед.

Аминам, ки муносибатҳои анъанавии дӯстонаи байни ҳар ду мамлакатамон минбаъд ҳам ба нафъи халқҳоямон рушду густариш меёбанд.

Тоҷикистон омода аст, ки бо Украина робитаҳои зич дошта бошад ва мо барои рушди бардавому устувори ҳамкории миёни ҳар ду мамлакатамон ҳамаи чораҳои заруриро хоҳем дид.

Ба Шумо, Леонид Даниловичи азиз, саломатии бардавому комёбиҳои нав ва ба халқи украини бародар беҳбудию шукуфоиро таманно дорам».

26 август Президенти Ҷумҳурии Тоҷикистон Эмомалӣ Раҳмон ба унвони Президенти Федератсияи Россия Владимир Путин вобаста ба фалокати ду ҳавопаймои мусофирбари мамлакаташ барқия фиристод, ки дар он аз ҷумла гуфта мешавад: «Владимир Владимировичи мӯҳтарам, аз хабари ба фалокат дучор шудани ду ҳавопаймои мусофирбар, ки бар асари онҳо даҳҳо одамон ҳалок гардидаанд, сахт андӯҳгин шудам.

Дар ин лаҳзаҳои пур аз ғаму андӯҳ ба Шумо аз номи Ҳукумат ва халқи Ҷумҳурии Тоҷикистон ҳамдардӣ изҳор менамоям. Аз Шумо хоҳишмандам, ҳамдардии самимонаи моро ба аҳли оила ва хешу таборони шахсони ҳалокшуда расонед».

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520