11 сентябр Раиси Ҷумҳурии Исломии Эрон Саид Муҳаммад Хотамӣ ба Душанбе ташриф овард.
Раиси Ҷумҳурии Исломии Эронро дар майдони ҳавоии пойтахт Президенти Ҷумҳурии Тоҷикистон Эмомалӣ Раҳмон истиқбол гирифт. Маросими истиқболи Раиси Ҷумҳурии Исломии Эрон Саид Муҳаммад Хотамӣ бо шукӯҳи хоса, аз рӯи муқаррароти расмии Ҷумҳурии Тоҷикистон баргузор гардид.
Фурудгоҳи пойтахт ба ифтихори истиқболи меҳмони олиқадр идона оро ёфта, горди фахрӣ саф кашида буд. Ба ифтихори ташрифи расмии Раиси Ҷумҳурии Исломии Эрон ба сарзамини Тоҷикистон сурудҳои миллии ҳарду кишвар садо доданд.