7 феврал Президенти Ҷумҳурии Тоҷикистон Эмомалӣ Раҳмон бо роҳбарони вазорату идораҳо ва ташкилоту муассисаҳои масъули соҳаи сохтмони мамлакат машварат гузаронд.
Қайд карда шуд, ки сохтмон яке аз соҳаҳои асосӣ ва муҳимтарини иқтисоди миллӣ буда, 368 ташкилот ва муассисаи бинокориро дарбар мегирад. Аз ин ҷумла, 174 ташкилоту муассисаи сохтмонӣ ба сектори давлатӣ тааллуқ дорад.
Ба ақидаи Президенти Ҷумҳурии Тоҷикистон Эмомалӣ Раҳмон вазъияти соҳаи сохтмон ба талаботи рӯз ҷавоб намедиҳад, дар фаъолияти ташкилотҳои бинокорӣ навигарӣ ба назар намерасад, барои такмили кор ва истифодаи усулҳои бозорӣ дар соҳа чорае андешида намешавад. Эмомалӣ Раҳмон изҳори умед кард, ки роҳбарон ва кормандони соҳаи сохтмони мамлакат дар тараққиёти босуботи иҷтимоию иқтисодӣ ва маънавии он саҳми арзанда хоҳанд гузошт.