16 апрел Президенти Ҷумҳурии Тоҷикистон Эмомалӣ Раҳмон зимни боздид аз ноҳияи ба номи Бобоҷон Ғафуров, дар қитъаи замини иҷоракор А.Сангинов самараи меҳнати бурдборонаи ин деҳқони асилро аз назар гузаронд. Аъзои хоҷагӣ дар замини наздиҳавлигӣ бо парвариши сабзавоту меваҷот машғул буда, аз он соле то се маротиба ҳосил мерӯёнанд ва дар таъмини бозори дохилӣ бо маҳсулоти кишоварзӣ ҳиссаи арзандаи худро мегузоранд.