Президенти Ҷумҳурии Тоҷикистон

Сафари корӣ ба ноҳияи Конибодом

13.07.2001 12:00, шаҳри Конибодом

13 июл Президенти Ҷумҳурии Тоҷикистон Эмомалӣ Раҳмон аз вилояти Суғд боздиди корӣ ба амал овард.

Шиносоии Сардори давлат бо вазъияти иҷтимоию иқтисодии вилоят аз ноҳияи Конибодом оғоз ёфт. Ҳангоми ташриф ба Ҷамъияти саҳҳомии "Шоҳон", ки яке аз корхонаҳои бузургтарини коркарди нафт маҳсуб мегардад, Эмомалӣ Раҳмон ба муассисон ва мутахассисони корхонаи мазкур изҳори миннатдорӣ намуда, зикр кард, ки Ҳукумати Ҷумҳурии Тоҷикистон ҳама гуна ташаббусро, ки ба манфиати халқ ва давлат равона гардидааст, ҳамеша дастгирӣ хоҳад кард.

Сарвари давлат Эмомалӣ Раҳмон ҳангоми аз назаргузаронии пахтазори Ҷамъияти саҳҳомии "Ирам" ба фаъолияти олимон ва муҳаққиқони хоҷагии мазкур, ки навъҳои пахтаи тезрас ва серҳосили "Ирам", "Ирам-1"-ро ихтироъ намудаанд, баҳои баланд дод ва қайд намуд, ки пешравии ҳамаи соҳаҳо аз илм вобастагии зиёд дорад.

13 июл Президенти Ҷумҳурии Тоҷикистон Эмомалӣ Раҳмон бо фаъолияти яке аз хоҷагиҳои машҳури вилояти Суғд, Ҷамъияти саҳҳомии ба номи Энаҷон Бойматова шинос гардид.

Эмомалӣ Раҳмон зикр кард, ки дар хоҷагии мазкур зиёда аз даҳ навъи пахтаи серҳосил парвариш карда мешавад ва он дар риштаи чорводорӣ низ хеле пешқадам аст. Ҳамчунин вобаста ба дастовардҳои хоҷагии мазкур таъкид намуд, ки таҷрибаи чорводории он бояд ҳатман мавриди омӯзиш ва истифодаи дигар хоҷагиҳои шаҳру ноҳияи ҷумҳурӣ қарор дода шавад.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520