9 сентябр Президенти Ҷумҳурии Тоҷикистон Эмомалӣ Раҳмон дар Анҷумани тоҷикони дунё ва ҳамзабонони бурунмарзӣ иштирок ва суханронӣ кард.
Дар оғози ҷамъомад Президенти Ҷумҳурии Тоҷикистон Эмомалӣ Раҳмон ҳозиринро ба ифтихори ҷашни умумимиллӣ, 10-умин солгарди истиқлолияти давлатӣ муборакбод намуда, таъкид сохт, ки иштироки меҳмонон аз гӯшаю канори ҷаҳон дар ин тантанаҳо аз ҳамдилӣ ва ҳамраъйии тамоми тоҷикони дунё дар роҳи таҳкими давлатдории миллии мо дарак медиҳад.
Дар анҷуман Оинномаи нави Анҷуман мавриди муҳокима қарор гирифт ва ҳайати нави Кумитаи иҷроия интихоб ва тасдиқ гардид. Дар ҷамъбасти ҷаласа, дар бораи баргузории Анҷумани 5-уми тоҷикони ҷаҳон ва ҳамзабонони бурунмарзӣ 7-уми сентябри соли 2002 қарор қабул карда шуд.
Президенти Ҷумҳурии Тоҷикистон Эмомалӣ Раҳмон раиси Анҷумани тоҷикони дунё ва ҳамзабонони бурунмарзӣ, раиси Кумитаи тадорукоти ҷашн интихоб гардид.