Президенти Ҷумҳурии Тоҷикистон

Суҳбати телефонӣ бо Президенти Ҷумҳурияти Ӯзбекистон Шавкат Мирзиёев

30.12.2019 17:56, шаҳри Душанбе

Нимаи дуюми имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурияти Ӯзбекистон Шавкат Мирзиёев суҳбати телефонӣ анҷом доданд.

Зимни суҳбат сарони ду давлат дар фазои дӯстона якдигарро бо фарорасии Соли нав самимона табрик ва ба мардуми бародари тоҷику ӯзбек   бурдборӣ, сулҳ ва шукуфоӣ  орзу намуданд.

Муҳтарам Эмомалӣ Раҳмон ва Шавкат Мирзиёев суръати баланди рушди босамари муносибатҳои шарикии стратегии Тоҷикистону Ӯзбекистонро бо назардошти манфиатҳои бунёдии ду халқи наздик ва тамоми минтақа бо қаноатмандӣ зикр намуданд.

Президенти Тоҷикистон ба минбаъд идомаи мантиқӣ ёфтани муносибатҳои ду кишвар дар ин маҷро изҳори итминон  карда,  аз омодагии ҷониби Тоҷикистон барои фаъолияти муштарак дар ин самт таъкид намуданд.

Ҷонибҳо инчунин як қатор масъалаҳои мубрами дорои аҳамияти минтақавӣ ва байналмилалии мавриди таваҷҷуҳи тарафҳоро мавриди баррасӣ қарор доданд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520