Президенти Ҷумҳурии Тоҷикистон

Суханронӣ дар варзишгоҳи марказии шаҳри Кӯлоб ва барномаи бошукӯҳи фарҳангӣ

29.10.2013 18:18, шаҳри Кӯлоб

Бегоҳии рӯз дар варзишгоҳи марказии шаҳри Кӯлоб, ки дорои 20 ҳазор ҷойи нишаст мебошад, бо иштироки Президенти кишвар Эмомалӣ Раҳмон барномаи бошукӯҳи фарҳангӣ намоиш дода шуд.

Пеш аз оғози барномаи фарҳангӣ, Сарвари давлат Эмомалӣ Раҳмон дар назди мардуми бешумори Кӯлобшаҳри бостонӣ, ки ба ин муносибат ҷамъ омаданд, суханронӣ намуд.

Бо ёдоварӣ аз таърихи шуҳратманди бостонӣ ва муосири шаҳри Кӯлоб, саҳми мардуми ғаюру ватандусти ин мулки файзбор дар таҳкими истиқлоли давлатии Тоҷикистон ва Ваҳдати миллии кишвар ва ҳамчунин аз раванди ибратбахши ободонию созандагии имрӯзааш изҳори боварӣ карда шуд, ки минбаъд низ нақши фарзандони фарзонаи ин куҳандиёр дар рушду нумуи Тоҷикистони азиз намоён ва арзандаи таҳсину қадрдонӣ хоҳад буд.    

Бо намоиши барномаи дилнишини фарҳангӣ, ки бо иштироки устодони санъати кишвар ва ҷавонону наврасони ояндадори ҷодаи санъат ҷараён гирифт, ин варзишгоҳи бузург ба як базмгоҳи бошукӯҳи идона ва тантанаи вахдату ягонагӣ, сулҳу субот, рушду нумуъ ва пешрафту шукуфоии Тоҷикистони азиз табдил ёфт.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520