2 август Президенти Ҷумҳурии Тоҷикистон Эмомалӣ Раҳмон Сафири Фавқулодда ва Мухтори Федератсияи Россия дар Ҷумҳурии Тоҷикистон Рамазон Абдулатиповро ба ҳузур пазируфт.

Дар ҷараёни мулоқоти судманди ҷонибҳо маҷмӯи васеъи масъалаҳои ҳамкориҳои иқтисодиву тиҷоратӣ ва илмиву техникии Тоҷикистону Россия баррасӣ гардиданд.

Тарафҳо ҳангоми вохӯрӣ қаноатмандии амиқи худро аз таҳкиму тавсеаи муносибатҳои дуҷониба изҳор карда, таъкид намуданд, ки дар ҳама самтҳо марҳила ба марҳила пешравиҳои эътимодбахш ба назар мерасанд. Аснои сӯҳбат Президенти Ҷумҳурии Тоҷикистон Эмомалӣ Раҳмон бо Сафири Федератсияи Россия вазъи ҳамкориҳои ҳарду давлатро ҳамаҷониба таҳлил намуданд.

Зикр шуд, ки баргузории рӯзҳои фарҳангии Тоҷикистон дар шаҳри Москва дар рушди муносибатҳои дӯстонаи ҳарду мамлакат заминаи боэътимод хоҳад гузошт.

Дар ҷараёни мулоқот ҳамчунин атрофи дигар масъалаҳои дорои аҳамияти минтақавию байналмилалӣ табодули назари судманд сурат гирифт.