3 август Президенти Ҷумҳурии Тоҷикистон Эмомалӣ Раҳмон Сафири Фавқулодда ва Мухтори Ҷумҳурии Мардумии Чин дар Ҷумҳурии Тоҷикистон У Хун Бинро бинобар сабаби анҷоми ваколаташ ба ҳузур пазируфт.

Президенти Ҷумҳурии Тоҷикистон Эмомалӣ Раҳмон аз рушди амиқи муносибатҳои дӯстонаи Тоҷикистону Чин, таҳкиму тавсеаи ҳамкориҳои иқтисодӣ, татбиқи лоиҳаҳо ва созишномаҳои тарафайн изҳори қаноатмандӣ намуд.

Ҷонибҳо маҷмӯи васеи масъалаҳои ҳамкорӣ, аз ҷумла тармиму таҷдиди роҳҳо, сифати хизматрасониҳои телекоммуникатсионӣ, беҳдошти соҳаи обрасонӣ дар шаҳрҳои Ҷумҳурии Тоҷикистонро баррасӣ намуда, истифодаи мақсадноки захираҳои гидроэнергетикии Ҷумҳурии Тоҷикистон, нерӯгоҳҳои барқи обии Роғун ва Даштиҷумро омили муҳими рушди ҳамкориҳои минтақавӣ арзёбӣ карданд.