3 сентябр боғи "Дӯстии халқҳо"-и пойтахт аз ҳарвақта серодамтар буд. Садои форами карнаю нағора диқкати ҳар роҳравро ҷониби боғ намуда, сафи бошандагони онро ҳар лаҳза афзун менамуд.

Воқеан он рӯз ид буд, Иди асал. Иде, ки бо ташаббуси Президенти Ҷумҳурии Тоҷикистон Эмомалӣ Раҳмон хеле мутантану хотирмон, гузашт.

Президенти Ҷумҳурии Тоҷикистон Эмомалӣ Раҳмон аз дастовардҳои хоҷагиҳо ва аз ҳар нуқтаи асалпарварон дидан карда, дар масъалаҳои афзун гардонидани оилаҳои занбӯри асал, истеҳсолу содироти ин неъмати гаронбаҳо ва кӯмаку дастгирии асалпарварони навоҳии кӯҳистон тавассути ҷудо намудани қарзҳои хурди имтиёзнок дастуру маслиҳатҳо дод.

Дар охир аз байни иштирокдорони озмун беҳтаринҳо сазовори тӯҳфаҳои хотиравӣ гардиданд.