Президенти Ҷумҳурии Тоҷикистон Эмомалӣ Раҳмон Сафири фавқулодда ва мухтори Туркия дар Тоҷикистон Акиф Айҳанро бинобар анҷом ёфтани мўҳлати фаъолияти дипломатиаш дар кишвари мо ба ҳузур пазируфт.
Дар мулоқот масоили кунунӣ ва дурнамои ҳамкории Тоҷикистону Туркия баррасӣ шуд.
Сарвари давлат Эмомалӣ Раҳмон ба фаъолияти 4 – солаи дипломатии сафири Туркия дар Тоҷикистон баҳои баланд дод. Акиф Айҳан изҳор дошт, ки минбаъд низ барои таҳкиму густариши ҳамкории гуногунҷанбаи Тоҷикистону Туркия саҳми намоён хоҳад гузошт.
Таъкид гардид, ки муносиботи дўстӣ ва ҳамкории ду кишвар, ки шарикони анъанавӣ ба шумор мераванд, дорои дурнамои судбахш мебошад.