Рушди бахшҳои гуногуни кишоварзӣ, ки аз соҳаҳои асосии иқтисодиёти кишвар ба шумор меравад, пайваста зери назорат ва ғамхории Ҳукумати Ҷумҳурии Тоҷикистон ва Президенти мамлакат Эмомалӣ Раҳмон қарор дорад.
Имрӯз бо супориши Президенти Ҷумҳурии Тоҷикистон ба вилояти Суғд боз 20 миллион сомонӣ маблағҳои иловагӣ барои дастгирии бахши кишоварзии он ҷудо карда шуд, ки ин ғамхории навбатӣ ва бевоситаи Сарвари давлатамон Эмомалӣ Раҳмон барои барқарорсозии шӯҳрати кишоварзон номдори Тоҷикистон аст.
Ин ва дигар ғамхориҳое, ки ба бахшҳои боғутокпарварӣ, ниҳолпарварӣ, чорводорӣ, парвариши занбӯри асал ва хусусан ба бахши кишоварзӣ зоҳир мегардад, ба афзоиш додани истеҳсоли неъматҳои моддӣ дар дохили ҷумҳурӣ ва паст кардани ниёзмандии иқтисодиёти кишвар аз омилҳои манфии беруна равона мегардад.
Ҳадафи асосӣ аз муроҷиати Президенти Ҷумҳурии Тоҷикистон Эмомалӣ Раҳмон ба аъзои Ҳукумат ва мардуми кишвар низ баҳри истифодаи босамар аз ҳар як ваҷаб заминҳои киштбоб ва ҳарчи бештар истеҳсол намудани маҳсулоти ниёзи ҳаррӯза, аз ҷумла ғалладона дар дохили ҷумҳурӣ маҳз ҳамин аст.