Президенти Ҷумҳурии Тоҷикистон Эмомалӣ Раҳмон ҳамчунин бо масъулини Ҳукумати мамлакат, Дастгоҳи иҷроияи Сарвари давлат роҳбарони вазорату идораҳои марбута ва дигар шахсони дахлдор машварати корӣ доир намуд.
Дар машаварат масоили татбиқи амалии натиҷаҳои вохӯрии ғайрирасмии сарони кишварҳои Иттиҳоди Давлатҳои Мустақил ва мулоқоти Президенти Ҷумҳурии Тоҷикистон Эмомалӣ Раҳмон бо намояндагони тоҷикистониёни муқими Россия, ки рӯзҳои 21 ва 22 феврал дар шаҳри Маскав ҷараён доштанд, баррасӣ шуд.
Сарвари давлат Эмомалӣ Раҳмон ба масъулин ҷиҳати амалӣ намудани натиҷаҳои ин вохӯриҳо ва андешидани чораҳои зарурӣ баҳри ҳифзи ҳуқуқу озодиҳои тоҷикону тоҷикистониёни муқими Россия ва дигар кишварҳои хориҷӣ ва баланд бардоштани дониши ҳуқуқии онҳо супоришҳои мушаххас дод.
Президенти мамлакат Эмомалӣ Раҳмон ҳамчунин ба масоили бартарфсозии бӯҳрони энергетикии кишвар, таъмини кори мунтазами корхонаю муасисаҳои истеҳсолӣ, ривоҷ додани киштукори баҳорӣ, корҳои ободонию созандагӣ ва масъалаҳои ҳалталаби соҳаҳои маорифу фарҳанг таваҷҷӯҳ зоҳир намуда, ба масъулини дахлдор дастуру ҳидоятҳо дод