Президенти Ҷумҳурии Тоҷикистон Эмомалӣ Раҳмон як гурўҳ кадрҳои ба вазифаҳои масъул дар як қатор сохторҳои давлатӣ пешниҳодшударо барои сўҳбат ба ҳузур пазируфт.

Ҳамин тариқ, бо Қарорҳои Ҳукумати Ҷумҳурии Тоҷикистон Акбар Турсунов Директори Институти забон, адабиёт, шарқшиносӣ ва мероси хаттии ба номи Рўдакии Академияи илмҳои Ҷумҳурии Тоҷикистон, Боймуҳаммад Сафаров Муовини сардори Саридораи ҳифзи сирри давлатии назди Ҳукумати Ҷумҳурии Тоҷикистон ва Сўҳроб Валимадов Муовини директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон таъин шуданд.

Абдулҳамид Нозимов бо амри Президенти Ҷумҳурии Тоҷикистон Мудири шуъбаи илм ва маорифи Дастгоҳи иҷроияи Президенти Ҷумҳурии Тоҷикистон таъин гардид.

Дар мувофиқа бо Президенти мамлакат Сайдамир Ҷононов Директори филиали Донишгоҳи давлатии омўзгории ба номи С. Айнӣ дар ноҳияи Рашт ва Назрулло Амиров Директори институти иқтисодиёти кишоварзии Акдемияи илмҳои кишоварзии Тоҷикистон таъин шуданд.

Зимни сўҳбат Сарвари давлат Эмомалӣ Раҳмон онҳоро ба заҳмати содиқонаю софдилона ба нафъи давлати Тоҷикистон ҳидоят намуда, таъкид дошт, ки вазифаҳои муҳими бар душашон гузошташударо бо ҳисси баланди ватандўстӣ ва масъулиятшиносӣ иҷро намоянд.